Shymkentte 15 kásipkerdiń shoty zańsyz buǵattalǵan

Shymkent qalasy prokýratýrasynyń taldaýy boıynsha memlekettik kirister organdarynyń júrgizgen kameraldyq baqylaý nátıjesi boıynsha15 kásipkerlik sýbektisiniń shoty buǵattalǵany anyqtaldy, dep habarlaıdy Kazinform Bas prokýratýranyń baspasóz qyzmetine silteme jasap. 

Sáıkesinshe, kásipkerlerdiń qyzmeti toqtady.

Prokýratýra is-áreketterdi negizsiz dep tanydy jáne qadaǵalaý aktisin engizdi. Nátıjesinde salyq organynyń sheshiminiń kúshi joıyldy. Eńbekshi aýdany boıynsha Memlekettik kirister basqarmasynyń basshysy jáne basqa da kináli tulǵalar QR ÁQBtK-niń 173-babymen (laýazymdy tulǵalardyń kásipkerlik qyzmetine zańsyz aralasýy) ákimshilik jaýapqa tartyldy.

Prokýratýra kásipkerler aldyndaǵy kedergilerdi joıyp, olar óz qyzmetine kiristi.