Shymkentte 1,4 mlrd teńgelik joba nege toqtap qaldy
ASTANA. KAZINFORM – Shymkentte prokýratýranyń aralasýynan keıin 1,4 mlrd teńge ınvestıtsııa tartýdy jáne 100 jańa jumys ornyn ashýdy kózdeıtin jobany iske asyrýǵa kedergi bolǵan másele sheshildi.
Eńbekshi aýdanynyń prokýratýrasy ınvestıtsııalyq jobalardy súıemeldeý barysynda «YUG PLASTIC KZ» JShS jobasyn júzege asyrýǵa kedergi keltirgen máselelerdi anyqtaǵan.
Kompanııa «Juldyz» ındýstrııalyq aımaǵynda ınvestıtsııalyq jobany júzege asyryp jatyr. Joba aıasynda 1,4 mlrd teńge ınvestıtsııa tartylyp, 100 jumys ornyn ashý josparlanǵan.
«Bıznes Shymkent» óńirlik úılestirý keńesiniń 2026 jylǵy 22 sáýirdegi sheshimimen seriktestikke daıyn ónim qoımasyn salý úshin qosymsha 1 gektar jer ýchaskesi bólingen.
Alaıda «Ońtústik» arnaıy ekonomıkalyq aımaǵyn basqarýshy kompanııasy» AQ tarapynan ındýstrııalyq aımaq qatysýshysy retinde qyzmet júrgizýge jáne jer ýchaskesin ýaqytsha paıdalanýǵa qajetti sharttar ýaqtyly rásimdelmegen. Sonyń saldarynan ınvestor jobany odan ári tolyqqandy júzege asyrýǵa kirise almaǵan.
– Prokýratýranyń aralasýy nátıjesinde qajetti sharttar ınvestormen rásimdelip, anyqtalǵan kedergiler joıyldy. Prokýratýra ınvestorlardyń quqyqtaryn qorǵaý, ákimshilik kedergilerdi joıý jáne ınvestıtsııalyq jobalardy iske asyrý úshin qolaıly jaǵdaılar jasaý baǵytyndaǵy jumysty jalǵastyrady, – delingen habarlamada.
Osylaısha, ınvestorǵa bólingen jer ýchaskesin paıdalanýǵa jáne ınvestıtsııalyq jobany ári qaraı júzege asyrýǵa qajetti quqyqtyq rásimder aıaqtaldy.
Aıta keteıik, Qaraǵandyda ınvestorlarǵa negizsiz qarjylyq sanktsııalar qoldanylǵan.
