Shymkentte 13 jasar jasóspirim daıashy bolyp jumys istep júrip kóz jumdy
ShYMKENT. KAZINFORM — Shymkenttegi toıhanalardyń birinde daıashy bolyp jumys istegen 13 jastaǵy bala kóz jumdy.
Polıtsııanyń málimetinshe, atalǵan fakti boıynsha sotqa deıingi tergep-tekserý júrgizilgen.
— Jasóspirimniń ólimi júrektiń birden toqtaýyna baılanysty bolǵan. Sonymen qatar tekserý barysynda anyqtalǵan eńbek zańnamasyn buzý faktileri boıynsha toıhana ıesi ákimshilik jaýapkershilikke tartyldy, — dep habarlady Shymkent qalalyq polıtsııa departamenti.
Buǵan deıin Shymkentte kámeletke tolmaǵandardyń eńbek quqyqtaryn buzýdyń 8 faktisi anyqtalǵanyn jazǵan edik.
Sondaı-aq kámeletke tolmaǵandardyń eńbek etýine qoıylatyn talaptar týraly habarlandy.
