Shymkentte 13 qazanda úıinen shyǵyp ketken jigit tabylmaı jatyr

Shymkentte 19 jastaǵy jigit joǵalyp ketti, dep habarlaıdy Kazinform.

15 qazan kúni Abaı APB-na jas jigittiń joǵalyp ketkeni týraly habarlama kelip túsken.

Ájesiniń aıtýynsha, 2004 jyly týǵan Nurbol Ermuhambet 13 qazanda túngi saǵat 00:30 shamasynda úıinen belgisiz baǵytqa shyǵyp ketip, qaıta oralmaǵan. 

Er jigittiń júrgen jerin anyqtaýǵa Shymkent qalasy Polıtsııa departamentiniń barlyq jeke quramy jumyldyryldy. 

«Belgileri: boıy shamamen 175-180 sm, orta deneli, shashy, kózi qara tústi, ústinde qoıý kók tústi sportıvka, qara krasovka jáne qara tústi kúrteshe bolǵan. Joǵalǵan jigittiń qaıda ekeni týraly aqparattan habardar bolsańyz, birden «102» nómirine habarlasýyńyzdy suraımyz», - delingen Shymkent qalasy polıtsııa departamenti taratqan aqparatta.