Shymkentte 1200-den asa azamat jaldamaly páter sýbsıdııasyn maqsatsyz paıdalanǵan

ShYMKENT. KAZINFORM – Búgingi tańda Shymkent qalasynda turǵyn úıge muqtaj retinde tirkelgen azamattar sany 90 myńnan asady. 

Ónerkásip jáne qurylys mınıstrliginiń 2025 jylǵy №152 buıryǵyna sáıkes, turǵyn úıdiń jaldaý aqysyn sýbsıdııalaý qarastyrylǵan.

Shymkent qalasy turǵyn úı basqarmasy basshysynyń m.ý.a. Kópjan Týlebaevtyń aıtýynsha, jaldamaly páter sýbsıdııasyn alýshylar boıynsha monıtorıng júrgizilip, birqatar zańsyzdyq anyqtalǵan.

– Bıyl Shymkentte 3 146 sýbsıdııa alýshynyń 2 269-y tekserildi, onyń ishinde 1 242 azamattyń sýbsıdııany maqsatsyz paıdalanǵany anyqtalyp, jaldaý sharty toqtatyldy. 2025 jyly sýbsıdııalaý tetigine jergilikti bıýdjetten 664 mln teńge bólinip, qazirgi tańda 540 mln teńge tólem júrgizildi. Monıtorıng jumystary jalǵasyp jatyr, - dedi ol.

Sondaı-aq qala boıynsha «Jastar» baǵdarlamasy arqyly 2020 jyldan búginge deıin 3 849 azamat jaldamaly pátermen qamtylǵan. Búgingi tańda alǵashqy 890 pátermen qamtylǵan azamatty páterlerinen shyǵarý jumystary júrgizilip jatyr. Qazirgi ýaqytta 576 otbasynyń páteri kommýnaldyq menshikke qaıtarylǵan.

Budan buryn Shymkentte úlestik qatysý týraly zańnama talaptaryn buzǵan 15 turǵyn úı keshenine aıyppul salynǵanyn jazǵan edik.