Shymkentte 11-synyp oqýshysy ózine qol jumsady

ShYMKENT. KAZINFORM — Qaıǵyly jaǵdaıǵa baılanysty quzyrly organ ókilderi tekserý jumystaryn júrgizip jatyr. 

Oqıǵa keshe keshkisin boldy. Saǵat 18:30 shamasynda óz-ózine qol jumsaǵan 11-synyp oqýshysynyń máıiti úıinen tabylǵan.

Shymkent qalasy bilim basqarmasynyń baspasóz qyzmeti usynǵan málimetke súıensek, marqumnyń synyptastarymen qarym-qatynasy jaqsy bolǵan.

Sabaq úlgerimi de qanaǵattanarlyq.

«Qaıǵyly jaǵdaıǵa baılanysty quzyrly organ ókilderi tekserý jumystaryn júrgizip jatyr» delingen basqarma aqparatynda.

Al, Shymkent qalasy polıtsııa departamentiniń baspasóz qyzmeti atalǵan jaǵdaı Eńbekshi aýdandyq polıtsııa basqarmasynda tirkelgendigin málimdedi.

Qazirgi kezde sotqa deıingi tergeý júrip jatyr. Sot-medıtsınalyq ekspertıza taǵaıyndalǵan.