Shymkentte 11 synyp oqýshysy óz-ózine qol salyp kóz jumdy

ShYMKENT. KAZINFORM. Shymkentte 11 synypta oqıtyn er bala sýıtsıd jasap, qaıtys boldy. Oqıǵa 12 mamyr kúni bolǵan.

Qalalyq bilim basqarmasyndaǵylardyń aıtýynsha, er bala óz úıinde jeke bólmesinde ózine qol salǵan. 

Mektep ákimshiliginiń málimetine sáıkes, marqum oqýshy eshkimmen urysyp, daýlaspaǵan. Oqý úlgerimi jaqsy, belsendi oqýshy bolǵan. Mektepishilik esepte turmaǵan. 

Atalǵan jaıt boıynsha qylmystyq is qozǵalyp, sot-medıtsınalyq saraptama taǵaıyndaldy. Polıtsııa tergeý jumystaryn júrgizýde.

Aıta keteıik, Shymkentte jasóspirimder arasyndaǵy sýıtsıd artqan. Máselen, 2022 jyly 27 oqýshy óz-ózine qol salsa, 2023 jyly 32 bala sýıtsıd jasaǵan.

Al 2024 jyldyń basynan beri 4 jasóspirim sýıtsıdten qaıtys bolǵan.