Shymkentte 11-qabattan sekirip ólmek bolǵan qyz qutqaryldy

Shymkent turǵynyn sýıtsıdten qutqarý sáti polıtseılerdiń beınejetonyna túsip qaldy, dep habarlaıdy Polisia.kz.

24 qarashanyń keshinde jedel basqarý ortalyǵyna belgisiz áıeldiń kóppáterli úıdiń 11-qabatyndaǵy ortaq balkonnan sekirýge oqtalyp turǵany týraly habar tústi.

Tez arada patrýldik polıtsııa polkiniń avtoekıpajy joldandy.

Oqıǵa ornyna jetken tártip saqshylary balkonnyń qorshaýyna shyǵyp turǵan qyzdy kóredi.

Onyń nazary bir sátke aýǵanyn paıdalanǵan ınspektor Nurjan Aıdarov qyzdy qaýipsiz jerge shyǵaryp úlgerdi.

Qyzben profılaktıkalyq suhbat júrgizildi.

Onyń jeke máselege baılanysty osyndaı qadamǵa barǵany belgili boldy.

Qazir onyń ómirine qaýip tónip turǵan joq.

— Qaıǵyly oqıǵalardy boldyrmaý, qutqarý jáne kómektesý — bizdiń mindetimiz, — deıdi polıtsııa qyzmetkerleri.