Shymkentte 11-qabattan sekirmek bolǵan qyzdy qutqarǵan polıtseıler marapattaldy
Shymkentte 11-qabattan sekirmek bolǵan qyzdy qutqarǵan polıtseıler marapattaldy, dep habarlady Kazinform.
Shymkent qalasy polıtsııa departamentiniń bastyǵy Dýman Taev jergilikti turǵyndy sýıtsıdten qutqaryp qalǵan patrýldik polıtsııa polkiniń qyzmet ınspektorlary Nurjan Aıdarov, Janádil Ǵazızuly, Bolat Ajmýhan men vzvod komandıri Nurǵısa Moshkalovty marapattady.
Polıtsııa general maıory tártip saqshylarynyń shuǵyl ári batyl áreketin aıtyp, adam ómirine arasha túskenin maqtan etip, olarǵa adal qyzmeti úshin alǵys bildirdi.
Aıta keteıik, patrýldik polıtseıler 24 qarasha kúni keshki ýaqytta kópqabatty úıdiń 11 qabatynan sekirýge oqtalyp turǵan jergilikti azamatshany qutqaryp qalǵan bolatyn.
«Mundaı sátterde ár sekýnd mańyzdy, sondyqtan biz jedel áreket etýimiz kerek. Qaıǵyly oqıǵalardy boldyrmaý, qutqarý jáne kómektesý - bizdiń azamattyq boryshymyz», - dedi polıtsııa qyzmetkerleri.
