Shymkentte 100-ge jýyq ónerpaz Abaı ánderin shyrqady
ShYMKENT. KAZINFORM — 10 tamyz kúni Abaı kúnine oraı Shymkent qalasynda aýqymdy mýzykalyq sherý ótti, dep habarlaıdy qalalyq ishki saıasat basqarmasynyń baspasóz qyzmeti.
Shartarapty áýenge bólegen bul mádenı bastama aıasynda 100-ge jýyq ónerpaz qalanyń basty oryndarynda uly aqynnyń máńgilik murasyn pash etti.
Jergilikti óner ujymdary qala turǵyndary men qonaqtaryna merekelik kóńil-kúı syılap, Hákim Abaıdyń «Kózimniń qarasy», «Jelsiz túnde jaryq aı», «Aıttym sálem Qalamqas» syndy ánderin áýelete shyrqap kópshilikti tánti etti.
Ónerpazdar Áýejaı, «Dala mol», Temirjol vokzaly, «Japon» saıabaǵy, «Plaza», «Sıtı mol» saýda ortalyqtaryn aralap, áýezdi ánderin qalyqtatty. Jandy daýystaǵy oryndaýlar qalanyń árbir buryshyn ulttyq ónerdiń rýhyna bóledi.
Jas pen kárini baýrap alǵan mýzykalyq sherý urpaqty ulttyq qundylyqtarǵa baýlýdyń jáne uly Abaıdyń asyl sózin dáripteýdiń jarqyn úlgisine aınaldy.
