Shymkentte 100-den astam jasóspirimniń ata-anasy jaýapqa tartyldy
Shymkentte zańdy ókilinsiz turǵyn úıden tys jerlerde júrgen jasóspirimderdiń ata-anasy jaýapqa tartyldy, dep habarlaıdy Kazinform.
Shymkentte kámeletke tolmaǵandar arasyndaǵy jáne olarǵa qarsy jasalatyn quqyq buzýshylyqtardyń aldyn alý maqsatynda reıd jumystary júrgizildi. Eki kún ishinde 318 dámhana, 113 oıyn saýyqtyrý oryndary tekserildi. Tártip saqshylary túngi ýaqytta zańdy ókilinsiz oıyn-saýyq oryndarynda jáne turǵyn úıden tys jerlerde júrgen 126 balany anyqtap, olardyń ata-analaryn jaýapqa tartty.
Zańdy ókilderge qatysty QR ÁQBtK-niń 442-baby boıynsha 3 hattama toltyryldy. Al, mundaı zań buzýshylyqqa jol bergen 8 kásipkerge ákimshilik kodekstiń 132-babyna sáıkes aıyppul salyndy. QR ÁQBtK-niń 442-babynyń 2-bóligi boıynsha túngi ýaqytta zańdy ókilinsiz turǵyn úıden tys jerlerde bolǵan 109 jasóspirim anyqtaldy. Qadaǵalaýsyz júrgen 16 jasóspirim kámeletke tolmaǵandardy beıimdeý ortalyǵyna ornalastyryldy.
«Shymkent qalasy polıtsııa departamentiniń qyzmetkerleri kámelettik jasqa tolmaǵandarǵa túngi ýaqytta saǵat 22.00-den bastap 06.00-ge deıin kóńil kóterý mekemelerinde júrýge, saǵat 23.00-den bastap 06.00-ge deıin zańdy ókilderiniń ilesip alyp júrýinsiz úıden tysqary jerge shyǵýǵa tyıym salynatynyn eskertedi», - delingen Shymkent qalasy polıtsııa departamentiniń baspasóz qyzmeti taratqan aqparatta.
