Shymkentte 10 kósheni sý basyp, úılerge kirdi

ShYMKENT. KAZINFORM — Shymkenttiń Turan aýdanynda kósheler sý astynda qaldy. 

Tótenshe jaǵdaı mınıstrliginiń habarlaýynsha, Shymkent qalasy Turan aýdany Qazyǵurt shaǵynaýdanynda mol jaýǵan nóser jaýynnan keıin kóshelerdi sý alyp ketken. 

Túsken jaýyn-shashyn kólemi 33,7 mm-ge deıin jetken. 

Osylaısha jeke bir turǵyn úıdi, 15 aýlany jáne tórt aýdandaǵy 10 kósheni sý basqan. 

TJD jeke quramynan 31 adam jáne 10 tehnıka, 13 motopompa onshaqty aýlada jáne alty kóshede sý sorý jumysyn júrgizdi.

Bas-aıaǵy 1700 tekshe metr sý soryp alynǵan. 

Zardap shekkender joq.