Shymkentte 1 sáýirde jylytý maýsymy aıaqtalady
ShYMKENT. KAZINFORM — Shymkent qalasynda 2025-2026 jylǵy jylytý maýsymy 1 sáýirde aıaqtalady. Bul týraly qala ákimdiginiń baspasóz qyzmeti habarlady.
— Shymkent qalasynda kóktem mezgiliniń bastalýyna jáne aýa raıynyń jylynýyna baılanysty jylytý maýsymyn 1 sáýirde aıaqtaý josparlanyp otyr, — delingen resmı habarlamada.
Ákimdiktiń málimdeýinshe, qyzmet sapasyn arttyrý maqsatynda turǵyndardyń ótinishteri negizindegi tıisti jumys jyl boıy jalǵasa beredi.
Sonymen qatar ákimdik syrtqy jylytý júıelerin jóndeý nemese profılaktıkalyq jumys júrgizý qajet bolǵan jaǵdaıda Shymkent qalasynyń Energetıka jáne ınfraqurylymdy damytý basqarmasyna nemese «Qýatjylýortalyq-3» MKK-niń dıspetcherlik qyzmetine habarlasýdy usyndy.
Eske salaıyq, ótken jyly Shymkentte jylytý maýsymy 7 sáýirde resmı túrde aıaqtalǵanyn jazǵan edik.
