Shymkent–Saryaǵash trassasynda qozǵalysqa áser etpeıtin jedel jóndeý bastaldy
ASTANA. KAZINFORM — 13 maýsym kúni saǵat 16:00 shamasynda avtomobıl joldarynyń jaı-kúıine júrgizilgen monıtorıng barysynda «QAJservıs» JShS Túrkistan oblystyq fılıalynyń mamandary respýblıkalyq mańyzy bar KZ13-03 «Shymkent — Ózbekstan Respýblıkasynyń shekarasy (Jibek joly ótkizý pýnkti)» avtomobıl jolynyń Shymkent — Saryaǵash baǵyty boıynsha 718-shaqyrymynda tsementbeton jabynynyń aqaýyn anyqtady. Bul týraly «QazAvtoJol» kompanııasy málim etti.
Jol qozǵalysy qaýipsizdigin qamtamasyz etý jáne anyqtalǵan aqaýdyń odan ári ulǵaıýyna jol bermeý maqsatynda atalǵan ýchaskede jedel túrde profılaktıkalyq jumystar uıymdastyryldy. Qazirgi ýaqytta mamandar jol jabynynyń tehnıkalyq jaı-kúıin tekserip, júrý bóligin qalpyna keltirý boıynsha qajetti sharalardy qabyldady.
Oqıǵa ornynda tıisti ýaqytsha jol belgileri ornatylyp, qozǵalys qaýipsizdigi jol qyzmetteriniń turaqty baqylaýyna alynǵan.
— Osyǵan baılanysty júrgizýshilerden belgilengen jyldamdyq rejımin saqtaýdy, ýaqytsha jol belgileriniń talaptaryn oryndaýdy jáne atalǵan ýchaskeden ótý kezinde barynsha muqııat bolýdy suraımyz, — delingen habarlamada.
«QazAvtoJol» ulttyq kompanııasy jaz mezgilinde respýblıkalyq mańyzy bar avtomobıl joldaryndaǵy tsementbeton jabyndarynyń jaı-kúıine turaqty monıtorıng júrgiziletinin atap ótedi. Mundaı profılaktıkalyq jumystar yqtımal aqaýlardy der kezinde anyqtaýǵa, qajetti sharalardy jedel qabyldaýǵa jáne jol qozǵalysyna qatysýshylar úshin qaýipsiz ári úzdiksiz qozǵalysty qamtamasyz etýge múmkindik beredi.
Aıta keteıik, «QazAvtoJol» tsementbeton plıtalaryndaǵy deformatsııa qaýpi bar 31 ýchaskeni anyqtady.
