Shymkentte qyzylshamen aýyrǵan balalardyń kóbi vaktsına almaǵan
Shymkentte qyzylshamen aýyrǵan balalardyń kópshiligi vaktsına almaǵan, dep habarlaıdy Kazinform.
Shymkentte qyzylsha órship tur. Infektsııalyq aýrýdy juqtyrǵandar qazir Shymkent qalasynyń bilim berý uıymdary men balabaqshalarynda da kóbeıýde. Juqpaly derttiń taralýynyń aldyn alý maqsatynda Shymkent qalasy ákiminiń birinshi orynbasary Qýanysh Asylovtyń tóraǵalyǵymen shtab otyrysy ótti.
«2023 jyldyń naýryz aıynan beri qala boıynsha 4795 qyzylshaǵa kúdikti derek tirkelgen. Onyń ishinde 2026 jaǵdaıda dıagnoz rastaldy. Naýqastar arasynda 14 jasqa deıingi balalar 86% quraıdy. Olardyń 89,6%-dan astamy dinı sebeptermen ata-anasynyń bas tartýyna baılanysty qyzylshaǵa qarsy vaktsına almaǵandar. Qyzylsha aýrýynyń ósý qarqyny bıylǵy jyldyń qyrkúıek aıynyń ortasynan bastaldy», - dedi qala ákiminiń birinshi orynbasary Qýanysh Asylov.
Sondaı-aq, densaýlyq saqtaý basqarmasynyń basshysy Nurlybek Asylbekov qala aýmaǵyndaǵy qyzylsha aýrýy boıynsha epıdemıologııalyq aqýaldy baıandap, ınfektsııaǵa tosqaýyl bolatyn tıimdi joldardy usyndy.
Jıyn sońynda qala ákiminiń birinshi orynbasary jaýaptylarǵa epıdemııamen kúres sharalaryn tıisti talaptarǵa saı atqaryp, profılaktıkalyq jumystardy kúsheıtýdi tapsyrdy.
