Shymkent zoobaǵynda sırek kezdesetin erekshe janýar tóldedi
ASTANA. KAZINFORM — Shymkent zoobaǵynda kógildir qoı (Nahýr janýary, latynsha Pseudois nayaur) tóldedi. Zoologtardyń aıtýynsha, sırek kezdesetin bul tirshilik ıesi halyqaralyq Qyzyl kitapqa engen.
— Kógildir qoı eýropalyq haıýanattar baqtarynyń kollektsııasynda sırek kezdesedi, sondyqtan Shymkent haıýanattar baǵynda osy túrdiń tóldeýi — úlken qýanysh, — deıdi haıýanattar baǵynyń qyzmetkeri.
Tóldiń salmaǵy bir jarym keliden asyp týdy. Alǵashynda tek enesiniń sútin qorek qylsa, qazir qosymsha jemshóp berile bastaǵan.
Kúndelikti veterınarlar men bıologtardyń baqylaýynda.
Kógildir qoı Nepal, Qytaı, Pákistan jáne Úndistan aımaǵyndaǵy Gımalaı taýlaryn mekendeıdi.
Ol 2500-2600 metr bıiktiktegi ashyq betkeıler men shóbi qalyń ústirtterde erkin qozǵala alady.
Tıbet taýlarynda ǵana tirshilik etetin kók qoılar bul zoobaqqa 2015 jyly ákelingen. Sırek kezdesetin ańdar Reseıdiń Novosibir qalasynan satyp alynǵan.
Bul janýarlar 6 metr bıikke sekire alady.
