Shymkent zoobaǵynda 3 abdan dúnıege keldi
Jańadan týǵan abdandardyń esimderin jeli oqyrmandary tańdaıdy, dep habarlaıdy Kazinform.
Shymkent zoobaǵyndaǵy Sımba men Taný jubynda 3 abdan dúnıege keldi. Onyń ekeýi atalyq bolsa, bireýi analyq. Qazir abdandardyń jaǵdaıy qalypty. Endi zoobaq qyzmetkerleri kúshikterge laqap at bermek. Ony Instagram jelisindegi oqyrmandar usynǵan esimderdiń ishinen tańdap alýdy jón sanap otyr.
«Qurmetti dostar! Jańa 2024 jyldy jaqsy, jaǵymdy jańalyqpen bastaǵymyz keledi. Biz jańa týǵan ár bir tól úshin qýanamyz. Anasy óz abdandaryna erekshe meıirim kórsetip, ósirip keledi. Qazirgi tańda anasy men abdandardyń jaǵdaıy jaqsy. Endi kishkentaı abdandarǵa laqap at qoıýymyz qajet. Usynystaryńyz ben óz nusqalaryńyzdy pikirler bólimine jaza ketińizder. Bizdiń qyzmetkerler eń úzdik, laqap atty tańdap alady» - dep jazyldy zoobaqtyń Instagram jelisindegi paraqshasynda.
Atalǵan jazbaǵa oqyrmandar kóptegen usynystar aıtyp jatyr. Olardyń arasynda «Kompot, Korjık, Karamelka», «Mýfasa, Shram, Tıara», «Mıla, Aba, Dan», «Marshel, Raıder, Skaı», «Pırat, Leopold, Hanna», «Amýr, Archı, Sımona», «Kopa, Kıara, Kaıona», «Tamasha, Mereke, Qýanysh», «Tıg, Leo, Lııa» jáne taǵy basqa da esimder bar.
Posmotret etý pýblıkatsııý v Instagram