Shymkent zoobaǵy qazaqstandyqtardy kengýrý tóline at tańdasýǵa shaqyrdy
ASTANA. KAZINFORM — Jaqynda ǵana Shymkent zoobaǵynda ómirge kelgen kengýrýdyń tóli kópshiliktiń kózaıymyna aınalyp úlgerdi. Haıýanttar baǵynyń qyzmetkerleri súıkimdi janýarǵa at tańdaýǵa kómektesýge úndedi.
— Zoobaǵymyzda 17 naýryz kúni kengýrý tóli dúnıege keldi. Tól — analyq. Osyǵan oraı, kishkentaı kengýrýǵa laıyqty ári ádemi laqap at tańdaý maqsatynda oqyrmandarymyzdy belsendi qatysýǵa shaqyramyz. Qurmetti qala turǵyndary men zoobaq qonaqtary, óz usynystaryńyzdy kommentarıı bólimine qaldyrýlaryńyzdy suraımyz, — dep jazdy Zoobaqtyń ınstagram paraqshasyna.
Mamandar eń erekshe ári úılesimdi esimdi tańdap alatyn bolady.
Álden belsendilik tanyqtan oqyrmandar «Marta, Bonıa, Eıprıl, Lılı, Kıra, Djoı, Mııa, Tompaq, Bındı, Nýra» syndy esimderdi usynypty.
Eske sala keteıik, 2022 jyly Shymkent zoobaǵyna Avstralııadan Benneta esimdi kengýrý jetkizilgen bolatyn. Sol tusta ol sýdy az ishedi, tipti birneshe aı sýsyz júre alatyny aıtylǵan edi. Uıqysy sergek.
Eresek kengýrýlar 60 km/saǵ jyldamdyqpen júgirip, bıiktigi 3 metrge deıingi tosqaýyldan sekire alady.
Kengýrýdyń analyǵynda balasy ósip-jetilgenshe ornalasatyn qaltashasy bolady. Aǵzalary damyǵan embrıon anasynyń sómkesine enip, 6 aı boıy qapshyqta damıdy. Keıinnen jetilgen kengýrý tabıǵatta tirshiligin jalǵastyrady.
Al jaqynda Almaty haıýanattar baǵynda úsh kengýrý tóli dúnıege keldi.
