Shymkent jáne Túrkistan oblysy polıtsııa departamentterinde rotatsııa boldy
TÚRKІSTAN. KAZINFORM - Shymkent qalalyq polıtsııa departamenti bastyǵynyń birinshi orynbasary qyzmetine polkovnık Qurmanbek Sahov taǵaıyndaldy. Al Túrkistan oblystyq polıtsııa departamenti bastyǵynyń birinshi orynbasary laýazymyna polkovnık Arman Beısenbaev keldi.
Shymkent qalasy polıtsııa departamenti bastyǵynyń birinshi orynbasary bolyp polıtsııa polkovnıgi Qurmanbek Sahov taǵaıyndaldy. Ol 1984 jyly dúnıege kelgen, ishki ister organdarynda 2001 jyldan beri qyzmet atqaryp keledi. Buǵan deıin Ońtústik Qazaqstan oblysy ishki ister departamentinde túrli basshylyq qyzmetterdi atqarǵan. 2025 jyldyń aqpanynan maýsym aıyna deıin Túrkistan oblysy polıtsııa departamenti bastyǵynyń birinshi orynbasary qyzmetin atqarǵan. 2025 jyldyń maýsym aıynan bastap Shymkent qalasy polıtsııa departamenti bastyǵynyń birinshi orynbasary laýazymyna taǵaıyndaldy.
Al Túrkistan oblysy polıtsııa departamenti bastyǵynyń birinshi orynbasary qyzmetine polıtsııa polkovnıgi Arman Beısenbaev taǵaıyndaldy.
Qyzmet jolynda Arman Beısenbaev tergeýshiden bastap oblystyq deńgeıdegi basshylyq qyzmetterge deıingi satydan ótken.
Eńbek jolynda, Shymkent qalasy ІІB 2-polıtsııa bóliminiń anyqtaý bólimshesiniń anyqtaýshysy, Shymkent qalasy ІІB 2-polıtsııa bóliminiń tergeý bólimindegi múliktik qylmystar men esirtki aınalymyna qatysty isterdi tergeý tobynyń tergeýshisi, OQO ІІD Shymkent qalasy 2-polıtsııa bóliminiń jedel ýákili, iz-túzsiz joǵalǵandar men qylmyskerlerdi izdeý tobynyń jedel ýákili qyzmetterin atqardy. Sondaı-aq, OQO ІІD Esirtki bıznesine qarsy kúres basqarmasynyń aǵa jedel ýákili, esirtkige qarsy kúres jáne vedomstvoaralyq úılestirý bóliminiń bastyǵy, OQO ІІD Esirtki bıznesine qarsy kúres basqarmasynyń bastyǵy, 2012 jyly Shymkent qalasy Eńbekshi aýdandyq polıtsııa bóliminiń bastyǵy boldy.
Al, 2015-2025 jyldar aralyǵynda Shymkent qalalyq ishki ister basqarmasynyń bastyǵy, Shymkent qalasy ishki ister basqarmasy bastyǵynyń birinshi orynbasary, Shymkent qalasy polıtsııa departamenti bastyǵynyń orynbasary, Shymkent qalasy polıtsııa departamenti bastyǵynyń birinshi orynbasary laýazymdarynda eńbek etti.
Aıta keteıik, budan buryn ShQO Ekonomıka basqarmasynyń basshysy bolyp Nursultan Maratov taǵaıyndalǵanyn jazǵan bolatynbyz.