Shymkent zaýytynda bolǵan qaıǵyly oqıǵaǵa qatysty qylmystyq is qozǵaldy

ShYMKENT. KAZINFORM — Tergeý barysynda avtokótergishtiń qulaýy saldarynan eki jumysshynyń qaza bolý sebepteri men mán-jaılary anyqtalmaq.

Polıtsııanyń málimdeýinshe, atalǵan faktige baılanysty «eńbek qaýipsizdigi erejelerin buzý saldarynan adamdardyń qaza bolýy» baby boıynsha is qozǵalǵan.

— Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan keshendi tergeý amaldary júrgizilip jatyr. Tergeý aıaqtalǵannan keıin is boıynsha protsessýaldyq sheshim qabyldanady, — delingen Shymkent qalalyq polıtsııa departamentiniń aqparatynda.

Aıta keteıik, budan buryn Shymkenttegi munaı óńdeý zaýytynda avtokótergish aýdarylyp, eki adam qaza tapqanyn jazǵan bolatynbyz.