Shymkent turǵyny qarjy pıramıdasyna 200-den astam adamnan 700 mln teńge tartqan

QR Qarjylyq monıtorıng agenttiginiń Shymkent qalasy boıynsha departamenti «Chia Tai Tianging» qarjy pıramıdasynyń qurylymdyq bólimshe basshysyna qatysty tergeýdi aıaqtady, dep habarlaıdy Kazinform agenttiktiń baspasóz qyzmetine silteme jasap.

Shymkent qalasynyń turǵyny 2022 jyldyń qarashasy men 2023 jyldyń sáýiri aralyǵynda atalǵan qarjy pıramıdasynyń qaladaǵy fılıalyn basqarǵany anyqtaldy.

Ol 700 mln teńgege materıaldyq zalal keltire otyryp, eki júzden astam salymshy tartqan.

Qazirgi ýaqytta kúdiktige qatysty sotqa deıingi tergeý aıaqtaldy jáne is sotqa jiberildi.

Qarjy pıramıdalaryn qurý qylmystyq jaýapkershilikke ákep soǵatynyn jáne múlki tárkilenip, 10 jylǵa deıingi merzimge bas bostandyǵynan aıyrý túrindegi jazany kózdeıtinin eskertemiz.

Azamattardy qyraǵy bolýǵa jáne óz jınaqtaryn kúmándi qarjy uıymdaryna salmaýǵa shaqyramyz.

«Kompanııalardy qarjylyq pıramıda belgileriniń bar-joǵyna «Baiqa, piramida!» (https://t.me/BAIQApiramidaBOT) telegramm boty arqyly teksere alasyz»,-delingen habarlamada.