Shymkent turǵyny «Instagram» áleýmettik jelisinde zańsyz lotereıa oınatqany úshin sottaldy

ASTANA. KAZINFORM – Qala turǵyny «Lotereıalar jáne lotereıa qyzmeti týraly» Zańnyń talaptaryn buza otyryp, tıisti lıtsenzııasysyz, zańsyz paıda tabý maqsatynda 2 akkaýnttan tikeleı efırde «LOTO» oınatqany anyqtaldy. BUl týraly QMA baspasóz qyzmeti málim etti. 

Lotereıa utysy retinde «Toyota Land Cruiser Prado» markaly avtokóligi, Samsung, IPhone, Redmi smartfondary, zergerlik buıymdar jáne turmystyq tehnıka qoıyldy.

Atalǵan zattar tárkilenip, zattaı dáleldemeler dep tanyldy.

Sonymen qatar, ol lotereıa bıletterin satý boıynsha belsendi jarnamany júzege asyrǵan (1 danasyn — 5000 teńgege, 3 dana — 10000 teńge, 6 dana — 20000 teńge, 12 dana — 40000 teńge, 30 dana — 100000 teńge).

«Satylǵan bıletterden túsken qarajatty óziniń kart-shotyna jáne týystarynyń shottaryna jınaǵan. 2023 jylǵy 10 qyrkúıekten 29 qarashaǵa deıin satylǵan bıletterden túsken qarajattyń jalpy somasy 96 mln teńgeden asty», — delingen habarlamada. 

Sot úkimimen azamat kináli dep tanylyp, oǵan 1 jylǵa bas bostandyǵyn shekteý túrindegi jaza taǵaıyndaldy. 

Sot úkimi boıynsha alynǵan zattaı dáleldemeler memleket kirisine tárkilendi.