Shymkent turǵyny dámhanalardyń birinde 1900 AQSh dollary kólemindegi jalǵan aqshany satpaq bolǵan

ShYMKENT. KAZINFORM — Qazaqstan azamaty Shymkenttegi dámhanalardyń birinde jalǵan AQSh dollaryn satpaq boldy. Bul týraly QR Qarjylyq monıtornıg agenttiginiń baspasóz qyzmeti málim etti. 

Atalǵan fakti boıynsha qylmystyq isti Qarjylyq monıtorng agenttiginiń Shymkent qalasyndaǵy departamenti tergedi.

Atalǵan azamat 100 dollarlyq banknottarmen 1900 AQSh dollary kólemindegi jalǵan aqshany satqan kezde qylmys ústinde ustaldy. Sotqa deıingi tergeý amaldary júrgizilip, nátıjesinde sot Shymkent turǵynyn kináli dep tanyp, 5 jyl 6 aıǵa bas bostandyǵynan aıyrý jazasyn taǵaıyndady, — delingen habarlamada.

Qarjylyq monıtorıng agenttigi azamattardy saqtyq tanytyp, qolma-qol aqshany muqııat sanaýǵa shaqyrady.

Agenttik eger siz jalǵan aqsha tapsańyz, eń bastysy, ony satýǵa tyryspaý keregin eskertedi. Munyń sońy QR QK 231-baby boıynsha qylmystyq jaýaptylyqqa ákep soǵýy múmkin.

«Eger jalǵan banknot qolyńyzǵa tússe, dereý QR QMA 8(7172) 70-84-78 senim telefonyna habarlasý qajet» - dep eskertedi agenttik mamandary.