Shymkent: «Taza Qazaqstan» aktsııasy aıasynda Eńbekshi aýdanynda tazalyq jumystary júrgizildi
ShYMKENT. KAZINFORM – Shymkentte Memleket basshysy Qasym-Jomart Toqaevtyń tapsyrmasyna sáıkes qolǵa alynǵan «Taza Qazaqstan» respýblıkalyq ekologııalyq aktsııasy sheńberinde júıeli jumystar atqarylyp jatyr. Atalǵan bastama elimiz boıynsha ekologııalyq mádenıetti arttyrý, azamattardyń tabıǵatqa degen jaýapkershiligin qalyptastyrý jáne qorshaǵan ortanyń tazalyǵyn qamtamasyz etý maqsatynda júzege asyrylyp keledi.
Naýqan aıasyndaǵy kezekti senbilik is-sharasy Eńbekshi aýdanynda ótkizildi. Oǵan Shymkent qalalyq Jaıly ortany damytý basqarmasy jáne «Grýppa INTEKO» mekemesiniń mamandary jumyldyrylyp, birqatar aýmaqta sanıtarlyq-tazalyq jumystary uıymdastyryldy.
Atap aıtqanda, Qaratóbe eldi mekeni, Jibek joly jáne Berdiqoja batyr kóshelerinde arnaıy tehnıkalar men tazalyq brıgadalary jumys júrgizdi. Tazalyq jumystary barysynda kóshe boıyndaǵy aram shóp orylyp, aǵashtardyń qýraǵan butalary kesildi. Sonymen qatar jaıaý júrginshiler joly muqııat sypyrylyp, aıaldamalar men jol jabyny jýylyp, sanıtarlyq talaptarǵa saı keltirildi.
Turmystyq qaldyqtar men jınalǵan kúl-qoqystar arnaıy tehnıka kómegimen túgeldeı shyǵaryldy. Bul jumystarǵa tek mekeme qyzmetkerleri ǵana emes, jergilikti turǵyndar da belsendi atsalysyp, ortaq iske úlesterin qosty. Mundaı birlesken jumystar qoǵamnyń ekologııalyq jaýapkershiligin arttyryp, turǵyndardyń tabıǵatqa degen kózqarasyn jaqsartýǵa yqpal etetini sózsiz.
Jalpy, Eńbekshi aýdanynda tazalyq pen tártipke baǵyttalǵan mundaı sharalar turaqty túrde ótkizilip keledi. Bul – tek qala kórki úshin ǵana emes, halyqtyń ómir súrý sapasyn jaqsartý úshin de mańyzdy.
Aıta keteıik, «Taza Qazaqstan» ekologııalyq aktsııasy aldaǵy ýaqytta da jalǵasyn tabady. Shymkent qalasynyń barlyq aýdanynda kezeń-kezeńimen tazalyq jumystary júrgizilip, qala ekologııasyn jaqsartýǵa baǵyttalǵan keshendi is-sharalar júzege asyrylady.