Shymkent polıtsııasy 4 jasar qyzdyń ólimi týraly aqparatty joqqa shyǵardy

ShYMKENT. KAZINFORM — Shymkentte 4 jasar qyzdyń zorlanyp, aıýandyqpen óltirilgeni týraly aqparatty polıtsııa joqqa shyǵardy.

Búldirshinniń ólimi týraly aqparat «Ne molchı» qoryna kelip túsken.

Bul týraly qordyń negizin qalaýshy Dına Tańsári jeli paraqshasynda jazdy.

Ondaǵy jazbaǵa súıensek, belgisiz adam búldirshindi zorlap, keıin denesin bólshektep óltirgen. 

Qalalyq polıtsııa departamenti tek resmı aqparat kózderine senýge shaqyrdy. 

«Shymkent qalasynda 4 jasar qyzdyń zorlanǵany týraly aqparat shyndyqqa janaspaıtynyn habarlaımyz. Polıtsııa departamenti jalǵan aqparat taratqany úshin qylmystyq jáne ákimshilik jaýapkershilikke tartylatynyn eskertedi. Biz azamattardan tek resmı aqparat kózderine senýlerin suraımyz», -dedi qalalyq Polıtsııa departamentindegiler.