Shymkent oblys ortalyǵy bolmasa da, halyq eski ádetpen áli qalaǵa aǵylyp jatyr — ákim

Shymkent ákimi Ǵabıt Syzdyqbekov ortalyq kommýnıkatsııalar qyzmetinde ótken brıfıngide qalada beıbereket kóshi-qon nege tyıylmaı turǵanyn aıtty, dep habarlaıdy Kazinform.

«Shymkent — respýblıkalyq mańyzdaǵy qala, al oblystyń ortalyǵy Túrkistan bolǵaly ishki-kóshi-qon turaqtady ma? Eńbekke jaramdy jastardyń ózge óńirlerge aǵylýy saıabyrlady ma? Osy baǵytta naqty statıstıka bar ma?» dep surady BAQ ókilderi.

Resmı málimet boıynsha, Shymkent qalasynda 1,2 mln adam turyp jatyr.

«Buryn qalamyz sol kezdegi Ońtústik Qazaqstan oblysynyń ortalyǵy bolǵanyn bilesizder. Sol sebepti Tashkentten beri jatqan aýdandardyń turǵyndary eski ádet boıynsha áli Shymkentke aǵylyp jatyr. Kúndelikti kelip-ketetin adam sanynyń ózi 500-600 myńǵa deıin barady. Onyń ishinde jumys babymen keletinderden bólek Túrkistan oblysyna qaraıtyn, biraq qalamyzda ornalasqan densaýlyq saqtaý nysandaryna qaralýǵa keletinder de bar. Bul nysandar 2018 jyly bólinip shyqqanda oblystyń balansynda qalyp ketken. Sol mekemelerge keletin biraz adam bar. Jalpy osylardy eskersek, qarqyn áli túspegenin aıtýǵa bolady», — dedi Ǵabıt Syzdyqbekov.