Shymkent munaı óńdeý zaýytynda josparly aldyn alý jumystary bastaldy
ASTANA. KAZINFORM – Bul baǵyttaǵy jumystar QR Energetıka mınıstrliginiń jospar kestesine sáıkes kásiporynnyń tehnologııalyq qondyrǵylaryn odan ári qaýipsiz paıdalanýdy qamtamasyz etý úshin jáne ónerkásiptik qaýipsizdik salasyndaǵy azamattyq qorǵaý týraly zańdy oryndaý úshin júrgiziledi.
«QazMunaıGaz» AQ baspasóz qyzmetiniń málimetinshe, josparly aldyn alý jumystary bastalǵan ýaqytta zaýyttarda munaı ónimderiniń búkil jelisi boıynsha jetkilikti qor qalyptastyrylǵan.
– Qor ishki naryqqa birkelki retpen jóneltiletin bolady. Sonymen qatar Pavlodar munaı-hımııa jáne Atyraý munaı óńdeý zaýyttary otyndy shtattyq rejımde óndirýdi jalǵastyrýda, – delingen habarlamada.
«PKOP» seriktestigi jumysqa tartylǵan merdiger uıymdarmen josparly-aldyn alý jumystary máseleleri boıynsha bastapqy keńes ótkizdi.
Sondaı-aq, zaýyt basshylyǵy josparly-aldyn alý jumystary barysynda tehnıka qaýipsizdigin qatań saqtaý jáne jumys protsesin tıimdi josparlaý boıynsha mindetter qoıǵanyn atap ótti.
