Shymkent munaı óńdeý zaýytynda josparly aldyn alý jumystary bastaldy
ShYMKENT.KAZINFORM - 27 naýryzda ónerkásiptik qaýipsizdik salasyndaǵy «Azamattyq qorǵaý týraly» QR Zańynyń talaptaryna jáne Energetıka mınıstrligi bekitken kestege sáıkes Shymkent munaı óńdeý zaýytynda josparly aldyn alý jumystary (JAJ) bastaldy.
«QazMunaıGaz» ulttyq kompanııasy baspasóz qyzmetiniń habarlaýynsha, bul is-sharalar jabdyqtyń senimdiligin, tehnologııalyq protsesterdiń turaqtylyǵyn qamtamasyz etý jáne jalpy óndiristik tıimdilikti arttyrýǵa baǵyttalǵan.
Janar-jaǵarmaı materıaldarynyń ishki naryǵynda turaqtylyqty saqtaý maqsatynda josparly aldyn alý kezinde munaı ónimderi aldyn ala jasaqtalǵan qor esebinen jóneltiledi. Qazirgi tańda zaýyttyń rezervýarlyq parkinde jınalǵan qor kólemi: avtobenzın — 29 450 tonna, dızel otyny — 22 900 tonna, avıakerosın — 10 530 tonna.
«PetroQazaqstan Oıl Prodakts» JShS-da josparly aldyn alý jumystaryn ótkizý kezinde QazMunaıGazdyń taǵy eki munaı óńdeý zaýyty — Pavlodar MHZ men Atyraý MÓZ munaı ónimderiniń óndirisi shtattyq rejımde jalǵastyrady.
Qazirgi ýaqytta Qazaqstan Respýblıkasynyń munaı ónimderi naryǵynda jaǵdaı turaqty: AI-92 markaly benzın qory 38 kúndik tutyný mólsherin, al dızel otyny qory 49 kúndik tutyný mólsherin quraıdy.
Bıylǵy 20 sáýirden bastap tehnologııalyq qondyrǵylar kezeń-kezeńimen paıdalanýǵa beriledi dep josparlanǵan.
Aıta ketsek, «PetroQazaqstan Oıl Prodakts» JShS-da buǵan deıingi josparly aldyn alý jumystary 2024 jyldyń kókteminde júrgizilgen bolatyn. Qazirgi josparly aldyn alý jumystary kásiporyn úshin mańyzdy kezeń bolmaq. Ol aıaqtalǵannan keıin zaýyt keńeıtilgen jóndeýaralyq kezeńine ótedi. ıAǵnı kásiporynda kelesi aýqymdy jumystar tek 2030 jyly júrgiziledi. 2028 jyly jekelegen qondyrǵylardyń qysqa merzimdi aǵymdaǵy jóndeýi kózdelgen.
- Jalpy, bul Shymkent MÓZ-ne ishki naryqty munaı ónimderimen turaqty qamtamasyz ete otyryp, uzaq ýaqytqa toqtamaı-aq jumys isteýge múmkindik beredi,-delingen habarlamada.
Osyǵan deıin Qazaqstannyń munaı óńdeý qýatyn eki esege arttyrýdy josparlap otyrǵany týraly jazdyq.
