Shymkent munaı óńdeý zaýytynda kerneýdiń tómendeýinen bir qondyrǵynyń jumysy ýaqytsha toqtady
ShYMKENT. KAZINFORM — Shymkent munaı óńdeý zaýytynda syrtqy elektr jelisindegi kerneýdiń tómendeýine baılanysty bir qondyrǵynyń jumysy ýaqytsha toqtatyldy. Elektrmen jabdyqtaý qalpyna keltirildi. Oqıǵa munaı ónimderin óndirý kólemine áser etken joq.
«QazMunaıGaz» UK AQ málimetinshe, kerneýdiń tómendeýi «KEGOC» AQ-nyń 220 kV syrtqy elektr jelisinde bolǵan. Elektr energııasyn berý qalpyna keltirilgennen keıin mamandar tehnologııalyq qondyrǵyny qaıta iske qosýǵa kiristi.
— Óndiristik nysandar shtattyq rejımde jumys istep tur. Oqıǵa táýliktik munaı ónimderin óndirý kólemine áser etken joq. Ónimderdi tıep-jóneltý de shtattyq rejımde júzege asyrylyp jatyr, — dep habarlady «QazMunaıGazdyń» baspasóz qyzmeti.
Shymkent munaı óńdeý zaýyty elektr energııasyn syrtqy jelilerden alady. Kompanııanyń málimetinshe, kásiporynda ornatylǵan avtomatıka jáne apatqa qarsy qorǵanys júıeleri kerneý aýytqýlarynyń áserin barynsha azaıtady.
Buǵan deıin Atyraý munaı óńdeý zaýytynyń aýmaǵynda munaı shlamy tutanǵanyn habarlaǵan edik.
