Shymkent mektepterine qazaqtyń uly tulǵalarynyń esimderi berilmek

Shymkent qalasynyń birqatar mektebine qazaqtyń uly tulǵalarynyń esimderi berilmek, dep habarlaıdy Kazinform.

Ashyq NQA portalynda «Shymkent qalasynyń keıbir bilim berý uıymdaryna jeke adamdardyń esimderin berý jáne qaıta ataý týraly» Shymkent qalasy ákiminiń qaýly jobasy jarııalandy.

Qujatta Shymkent qalalyq bilim basqarmasynyń «№ 28 jalpy orta bilim beretin mektebi» kommýnaldyq memlekettik mekemesine Farıza Ońǵarsynovanyń; «№ 80 ІT mektep-lıtseıi» kommýnaldyq memlekettik mekemesine Aqseleý Seıdimbektiń; «№ 90 daryndy balalarǵa arnalǵan mamandandyrylǵan mektep-gımnazııasy» kommýnaldyq memlekettik mekemesine Abaıdyń; «№ 3 balalar estetıkalyq saz mektebi» memlekettik kommýnaldyq qazynalyq kásipornyna Nurǵısa Tilendıevtiń esimi beriletindigi aıtylǵan.

Sondaı-aq «H.Álimjan atyndaǵy № 85 jalpy orta bilim beretin mektebi» kommýnaldyq memlekettik «Táýke han atyndaǵy № 85 jalpy orta bilim beretin mektebi» kommýnaldyq memlekettik mekemesi bolyp qaıta atalmaq.