Shymkent máslıhatynyń jańa tóraǵasy saılandy

Shymkent máslıhatynyń kezekten tys XXXVII sessııasynda máslıhat tóraǵasyn saılaý máselesi qaraldy.

Sessııa barysynda Shymkent máslıhatynyń tóraǵasy Bahadyr Narymbetovtiń Qazaqstan Respýblıkasynyń Quryltaıyna ÁDІLET partııasynan kandıdat retinde tirkelýine baılanysty óz ótinishi negizinde qyzmetinen bosatyldy. 

Depýtattardyń ashyq daýys berý qorytyndysy boıynsha Shymkent máslıhatynyń tóraǵasy bolyp Murat Joldyhojaev saılandy.

Ol 1987 jyly 19 qańtarda Ońtústik Qazaqstan oblysy Ordabasy aýdany Badam aýylynda dúnıege kelgen. Bilimi joǵary. 2006-2013 jyldary «Daryn» kolledjinde jáne ál-Farabı atyndaǵy Qazaq ulttyq ýnıversıtetinde «Quqyqtaný» mamandyǵy boıynsha bilim alǵan. Eńbek jolyn 2013 jyly jeke kásipkerlik salasynan bastaǵan. Ár jyldary Túrkistan oblysy Ordabasy aýdandyq máslıhatynyń VI shaqyrylym, Shymkent máslıhatynyń VII jáne VIII shaqyrylym depýtaty bolyp saılandy. 

2024-2025 jyldary AMANAT partııasy Shymkent fılıalynyń atqarýshy hatshysy, 2025-2026 jyldary atalǵan fılıaldyń tóraǵasy boldy. 2026 jylǵy shildeden bastap ÁDІLET partııasy Shymkent fılıalynyń basshysy bolyp qyzmet atqarady. 

Sonymen qatar qoǵamdyq uıymdarda da birqatar jaýapty laýazymdarda eńbek etti. 2015-2022 jyldary Ulttyq jekpe-jek federatsııasynyń prezıdenti, Qazaqstan Respýblıkasynyń Djıý-djıtsý ulttyq federatsııasynyń vıtse-prezıdenti, AMANAT partııasy janyndaǵy Jastar keńesiniń tóraǵasy boldy. 2024 jyldan bastap Shymkent aýyr atletıka federatsııasynyń prezıdenti, 2025 jyldan bastap QR aýyr atletıka federatsııasynyń vıtse-prezıdenti qyzmetterin atqaryp keledi.

Buǵan deıin Atyraý oblysynyń ákimi bolǵan Bolat Aqsholaqovqa qansha depýtat daýys bergeni týraly jazǵan edik.