Shymkent quramasy Qazaqstan boks federatsııasy kýbogynyń ıegeri atandy

ASTANA. KAZINFORM — Qazaqstan boks federatsııasy kýbogy fınalyna shyqqan quramalar belgili boldy.

Fınalda olar Astana quramasymen sheberlik baıqasty. Nátıjesinde shymkenttik boksshylar 9:6 jalpy esebimen basym tústi.

Aıta ketsek, jartylaı fınalda shymkenttik bylǵary qolǵap sheberleri Qaraǵandy quramasyn 9:6 esebimen tize búktirdi. 

Al shymkenttik sportshylar shırek fınalda A tobynda 22-28 qyrkúıek aralyǵynda Túrkistan, Almaty, Jambyl oblystary, Almaty qalalarynyń boksshylarymen synǵa túsip, úzdik kóringen edi.

Bul jarysta úshinshi oryn úshin Qaraǵandy men Mańǵystaý oblystary saıysqa tústi. Tartysty ótken básekede mańǵystaýlyq boksshylar 8:7 esebimen jeńip, úzdik úshtikten kórindi.

Jarystyń júlde qory 150 myń AQSh dollaryn quraıdy. Joba aımaqtarda boksty damytýǵa baǵyttalǵan.

Birikken Arab Ámirliginiń Dýbaı qalasynda ótken bokstan álem chempıonatynda qazaqstandyq sportshylar 3 altyn, 1 kúmis, 2 qola medal alyp, jalpy komandalyq esepte ekinshi orynǵa turaqtady.