Shymkent kóshelerindegi jarnama ekranynda ádepsiz jazba paıda boldy
ShYMKENT. KAZINFORM — Qalanyń ortalyq kósheleriniń birinde ornalasqan jaryqdıodty (LED) ekrandardyń birinde ádepke saı kelmeıtin jazba kórsetildi. Bul áreket turǵyndardyń ashý-yzasyn týdyrdy.
Atalǵan oqıǵanyń beınematerıaldary men fotosýretteri áleýmettik jeliler arqyly keńinen tarap ketti.
— Qazirgi ýaqytta ekran óshirildi. Tsıfrlyq tasymaldaǵyshtyń tehnıkalyq qaýipsizdigi men mazmunyna jaýapkershilik qurylǵy ıesine júkteledi. Ekrandy paıdalaný erejeleriniń buzylýyna baılanysty aýdandyq ákimdik tarapynan ıesine qatysty ákimshilik shara qoldaný bastaldy. Óz kezeginde konstrýktsııa ıesi qala turǵyndary men qonaqtarynan oryn alǵan oqıǵa úshin keshirim suraıdy, — delingen Shymkent qalasynyń ákimdigi taratqan aqparatta.
Sonymen qatar, ákimdik úshinshi taraptardyń aralasýy múmkin degen nusqa boıynsha da tekserý jumystary júrip jatqanyn jetkizdi.
— Materıaldar quqyq qorǵaý organdaryna berildi. Qazirgi ýaqytta polıtsııa qyzmetkerleri tergeý jumystaryn júrgizip jatyr. Onyń nátıjesi boıynsha qoldanystaǵy zańnama aıasynda tıisti sharalar qabyldanatyn bolady, — delingen aqparatta.
Aıta keteıik, budan buryn Shymkent ákimdigi jalǵan aqparat taratqandarǵa shara qoldana bastaǵanyn jazǵan bolatynbyz.