Shymkent kóshelerinde skýtermen «qoıylym» kórsetken júrgizýshi jaýapqa tartyldy

ShYMKENT. KAZINFORM - Zań buzýshylyqty polıtseıler áleýmettik jelilerge monıtorıng júrgizý barysynda anyqtady.

Іri saýda ortalyǵynyń aldyndaǵy avtojolda jas skýter júrgizýshisi birneshe ret trıýk jasaǵan. Motokóliktiń bir dońǵalaǵyn kóterip, qatty jyldamdyqpen keri burylǵan. Bul áreketin vıdeoǵa túsirip, beınejazbany óziniń paraqshasynda jarııalaǵan. Quqyq buzýshyǵa qatysty QR ÁQBtK 615-babynyń 3-bóligimen hattama túzildi.

«Er azamattyń jol qozǵalysy erejelerin birinshi ret buzbaǵany jáne bir jyldan az ýaqyt buryn uqsas jaıt úshin jaýapqa tartylǵany belgili boldy. Polıtsııa qyzmetkerleri jol júrý qaǵıdalaryn elemeýdiń saldary qaıǵyly bolýy múmkin ekenin eskertedi. Sondaı-aq eki dońǵalaqty kólik júrgizýshilerin jyldamdyqty asyrmaýǵa jáne zań býzýshylyqtarǵa jol bermeýge shaqyrady»-delingen Shymkent qalasy polıtsııa departamentiniń baspasóz qyzmeti taratqan aqparatta.