Shymkent kóshelerin sý basty

ShYMKENT. KAZINFORM - Qatty nóserden Shymkent kósheleri sýdyń astynda qaldy.

Áleýmettik jelide tarap jatqan vıdeodan kólikterdiń jolda sý keship ótip jatqanyn kórýge bolady. ıAǵnı, qala joldary jańbyr sýyna tolyp qaldy. Ásirese,«Kabısko» atalatyn aımaq turǵyndary qatty ábigerge tústi. Tipti, kóshedegi sý dúkender men kofehana sekildi kommertsııalyq nysandardyń ishine kirip ketken. Onda tutynýshylardyń sý keship júrgenin kórýge bolady. Al sabaqtan qaıtqan oqýshylar joldyń arǵy betine ótý úshin tizeden sý keshýge májbúr boldy.

Qazir Tótenshe jaǵdaılar departamentinen arnaıy shyqqan brıgadalar sý aıdaý jumystaryna jumyldyrylyp otyr. Olar qala kóshelerimen qatar jeke úılerdiń aýlasyna kirip ketken sýdy aıdaý jumystaryn da júrgizip jatyr.

Jelidegi jazbaǵa pikir bildirýshiler jol jıegindegi sý arnalarynyń durys jumys istemeıtinin aıtyp shaǵymdandy.

Olardyń ishinde «Jarty saǵattyń ishinde Venetsııaǵa aınalyp ketti», «Aryqtardy tazalaý kerek», «Sabaqtan qaıtqan balamnyń eki aıaǵyna sý kirip ketken. Aıaldama aldy sýǵa tolyp qalǵan óte almaı, kólikke minip óttik» degen jazbalar bar. Sondaı-aq, «Taksı shaqyryp edik, qaıyq kelip tur degen» ázil pikirler de bar.