05:16, 02 Naýryz 2024 | GMT +6
Shymkent kóshelerimen «Alǵys kerýeni» júrip ótti
ShYMKENT. KAZINFORM - Shymkentte «Alǵys aıtý – asyl qasıet» ataýymen túrli formatta merekelik is-sharalar ótip jatyr.
Ál-Farabı alańynan bastaý alǵan «Alǵys kerýeni» dostyq úıi janyndaǵy «Qazaq halqyna myń alǵys» monýmentine deıin jalǵasty. Eki túıe, 10 attan quralǵan kerýendi mádenıet mekemeleriniń ártisteri bastap júrdi. Kerýen qorjynyndaǵy ulttyq taǵamdar qalanyń damýyna atsalysqan túrli sala qyzmetkerlerine, turǵyndarǵa merekelik tartý retinde úlestirildi.
Qalalyq Mádenıet, tilderdi damytý jáne arhıvter basqarmasynyń uıymdastyrýymen ótken is-sharaǵa qatysýshylar ulttyq kıim kıip, salt-dástúrdi dáriptedi. Án aıtyp, kópshiliktiń qoshemetine bólendi.
Sán-saltanatty kerýendi kútip alý rásimi merekelik kontsertke ulasty.
