Shymkent kásiporyndary Qarashyǵanaq jobasynyń jetkizý tizbegine qosylýy múmkin
ShYMKENT. KAZINFORM - Shymkentte Qarashyǵanaq jobasy aıasynda jergilikti qamtýdy damytý jáne otandyq óndirýshilerdiń munaı-gaz salasyndaǵy jetkizý tizbekterine qatysýyn keńeıtý perspektıvalary talqylandy, dep habarlaıdy QR Energetıka mınıstrliginiń baspasóz qyzmeti.
Jumys kezdesýi Energetıka mınıstrliginiń, KPO, PSA, IMBC ókilderiniń, ónerkásiptik kásiporyndar men Shymkent qalasynyń bıznes-qoǵamdastyǵynyń qatysýymen ótti.
Kezdesý barysynda Qarashyǵanaq jobasynyń ókilderi jergilikti qamtýdy damytý jónindegi uzaq merzimdi josparlaryn tanystyrdy. Sondaı-aq otandyq taýar óndirýshilerden qazaqstandyq ónim satyp alýdy keńeıtý múmkindikteri qarastyryldy.
Іs-sharaǵa qatysýshylar Shymkenttegi birqatar ónerkásiptik kásiporyndarǵa bardy. Atap aıtqanda, «Karlskrona LC AB», «Asia Trafo» jáne «Renaissance SHIK» JShS-larynyń óndiristik múmkindikteri men shyǵaratyn ónimderi tanystyryldy.
Kezdesýdiń negizgi bóligi otandyq taýar óndirýshiler ónimderiniń kórmesi men ónerkásiptik kásiporyndardyń qatysýymen ótken dóńgelek ústelge arnaldy.
Jıynǵa Shymkent qalasy ákiminiń birinshi orynbasary Aıdyn Karımov pen Energetıka mınıstrligi Jer qoınaýyn paıdalaný departamentiniń Jobalyq qujattar basqarmasynyń basshysy Baǵlan Sembekova qatysty.
-Energetıka mınıstrligi úshin jergilikti qamtýdy damytý – memlekettik saıasattyń mańyzdy baǵyttarynyń biri. Bizdiń mindetimiz – otandyq óndirýshilerden satyp alý úlesin arttyrý ǵana emes, qazaqstandyq bıznestiń turaqty damýyna, onyń básekege qabilettiligin arttyrýǵa jáne iri munaı-gaz jobalarynyń jetkizý tizbekterine ıntegratsııalanýyna jaǵdaı jasaý, – dedi Baǵlan Sembekova.
Memlekettik saıasat aıasynda otandyq óndirýshilerdiń iri munaı-gaz jobalary boıynsha satyp alýlarǵa qatysýyn keńeıtýge baǵyttalǵan birqatar shara júzege asyrylyp jatyr.
Atap aıtqanda, tenderlik rásimder jetildirilip, otandyq taýar óndirýshilerdi qoldaýdyń qosymsha tetikteri engizilý ústinde. Sonymen qatar jergilikti jetkizýshilerdi damytýdyń bes jyldyq baǵdarlamasy iske asyrylyp jatyr.
Bul rette otandyq ónimge turaqty suranys qalyptastyrýǵa, jergilikti óndiriletin taýarlardyń nomenklatýrasyn keńeıtýge jáne qazaqstandyq kásiporyndardyń óndiristik múmkindikterin damytýǵa basymdyq berilip otyr.
Sondaı-aq kásiporyndardyń iri operatorlardyń talaptaryna sáıkestigin arttyrýǵa erekshe mán berilýde.
Kezdesýde uzaq merzimdi jáne offteık-kelisimsharttardyń mańyzy atap ótildi. Mundaı tetikter otandyq kásiporyndarǵa bolashaqtaǵy suranysty naqty josparlaýǵa, ınvestıtsııa salýǵa, óndiristi jańǵyrtýǵa jáne óndiristik qýattardy arttyrýǵa múmkindik beredi.
Jergilikti qamtýdy damytý jumystary Energetıka mınıstrligi, PSA, iri operatorlar, IMBC jáne jer qoınaýyn paıdalanýshylardyń ózara is-qımyly arqyly júzege asyrylyp jatyr.
Osy jumys aıasynda jobalardyń qajettilikteri taldanyp, suranysqa ıe taýar toptary men óndiristi oqshaýlaýdyń perspektıvaly baǵyttary aıqyndalady.
Kezdesý qorytyndysy boıynsha memleket, jer qoınaýyn paıdalanýshylar, operatorlar men otandyq óndirýshiler arasyndaǵy ózara is-qımyldy odan ári damytý qajettigi atap ótildi.
Bul tásil qazaqstandyq bıznestiń munaı-gaz jobalary boıynsha satyp alýlarǵa qatysýyn keńeıtip, el ishinde uzaq merzimdi óndiristik tizbekterdi qalyptastyrýǵa múmkindik beredi.
Osyǵan deıin Qarashyǵanaqta jańa burǵylaý qondyrǵysy iske qosylǵany týraly jazdyq.
