Shymkent qalasynyń jer qatynastary basqarmasyna jańa basshy taǵaıyndaldy
ShYMKENT. KAZINFORM - Bul qyzmetti budan bylaı Islamov Azat Rahymberdiuly atqarady.
Qala ákiminiń ókimimen Shymkent qalasynyń jer qatynastary basqarmasynyń basshysy laýazymyna Azat Rahymberdiuly Islamov taǵaıyndaldy.
Azat Rahymberdiuly 1987 jylǵy 16 qarashada Shymkent qalasynda týylǵan, qazaq, bilimi joǵary.
Ál-Farabı atyndaǵy Qazaq ulttyq ýnıversıtetin bitirgen, mamandyǵy boıynsha biliktiligi – memlekettik jáne jergilikti basqarý.
Eńbek jolynda Almaty oblysy, Talǵar qalasy ákimi apparatynyń bas mamany, Qazaqstan Respýblıkasy Jer resýrstaryn basqarý agenttiginiń Almaty oblysy jáne Almaty qalasy boıynsha óńiraralyq jer ınspektsııasy Almaty qalasy boıynsha jerdi paıdalaný men qorǵaýdy memlekettik baqylaý bóliminiń bas mamany-memlekettik ınspektory qyzmetterin atqardy.
Sondaı-aq, Almaty qalasy qala qurylysyn baqylaý basqarmasy jerdiń paıdalanylýy men qorǵalýyn baqylaý bóliminiń basshysy, basqarma basshysynyń orynbasary, Almaty qalasy turǵyn úı saıasaty basqarmasy turǵyn úıdi esepke alý jáne taratý bóliminiń basshysy, Almaty qalasy kommýnaldyq ınfraqurylymdy damytý basqarmasy turǵyn úıdi esepke alý jáne taratý bóliminiń basshysy bolyp eńbek etti.
Keıin Shymkent qalasynyń turǵyn úı basqarmasy basshysynyń orynbasary boldy.
13.05.2024 jyldan búgingi kúnge deıin Shymkent qalasynyń turǵyn úı basqarmasynyń basshysy laýazymynda qyzmet atqaryp keldi.
Aıta keteıik, budan buryn Shymkent qalalyq Bilim basqarmasyna jańa basshy taǵaıyndalǵanyn jazǵan bolatynbyz.