Shymkent qalasynyń sanıtarııalyq-epıdemıologııalyq baqylaý departamentiniń basshysy sottaldy

ShYMKENT. KAZINFORM — Shymkentte para almaq bolǵan sanıtarlyq qadaǵalaý salasyna jaýapty basshylar sottaldy. Bul týraly Shymkent qalasy sybaılas jemqorlyqqa qarsy qyzmet basshysy Qanat Súleımenov málimdedi.

Shymkent qalasynyń qylmystyq ister jónindegi aýdanaralyq sotynyń úkimimen Shymkent qalasynyń sanıtarııalyq-epıdemıologııalyq baqylaý departamentiniń basshysy Á.Tólebaev 6 jylǵa bas bostandyǵynan aıyrýǵa sottaldy.

Sondaı-aq, basqa da aıyptalýshylarǵa memlekettik qyzmette qyzmet atqarýǵa ómir boıyna tyıym sala otyryp, 42 mln teńgege aıyppul túrinde jaza taǵaıyndaldy. Atap aıtar bolsaq, departamenttiń personaldy basqarý qyzmetiniń basshysy G. Tursynbaevaǵa 21 mln teńge, Shymkent bólimshelik kóliktegi sanıtarlyq-epıdemıologııalyq baqylaý basqarmasynyń basshysy S. Mahatovaǵa — 9 mln teńge jáne para berýshi S. Áshirbaevaǵa — 12 mln teńge aıyppul salyndy.

«Olar osy departamenttiń aýdandyq basqarmasynyń jetekshi mamany laýazymyna jumysqa ornalastyrý úshin 600 myń teńge somasynda para alǵany, deldaldyǵy jáne para bergeni úshin kináli dep tanyldy.Úkim zańdy kúshine engen joq», - dep jazdy Qanat Súleımenov jelidegi paraqshasynda.

Eske sala keteıik, buǵan deıin Ereımentaý aýdanynda polıtsııa qyzmetkerleri qylmysty ashqannyń ornyna, jasyryp kelgenin jazǵan bolatynbyz.