Shymkenttiń bas sanıtarlyq dárigeri taǵaıyndaldy
ShYMKENT. KAZINFORM - QR Densaýlyq saqtaý mınıstrliginiń buıryǵymen bul qyzmetke Talǵat Sermańızov taǵaıyndaldy.
QR DSM Sanıtarııalyq-epıdemıologııalyq baqylaý komıteti tóraǵasynyń orynbasary Maral Raqymjanova jumys sapary barysynda ujymǵa jańa basshyny tanystyrdy.
Maral Tileýlesqyzy áriptesterine halyqtyń sanıtarııalyq-epıdemıologııalyq salamattylyǵyn qamtamasyz etý jónindegi barlyq is-sharalardy tıimdi iske asyrýda sáttilik tiledi. Úılesimdi jumys pen jaýapkershiliktiń mańyzdylyǵyn, óńir turǵyndarynyń densaýlyǵy men qaýipsizdigi jańa basshylardyń kásibıligine baılanysty ekenin de atap ótti. Komıtet tóraǵasynyń orynbasary jańa basshynyń óńirde sanıtarııalyq-epıdemıologııalyq qyzmetti tıimdi basqaryp, damytatynyna senim bildirdi.
Aıta keteıik, budan buryn Qyzylorda oblysynyń Sanıtarııalyq-epıdemıologııalyq baqylaý departamentine Syzdyqova Gúlmıra Jambylqyzy taǵaıyndalǵanyn jazǵan bolatynbyz.