Shymkent qalasynyń prokýratýrasy 4 myńǵa jýyq kásipkerdiń quqyǵyn qorǵady
Bıyl prokýrorlar 3 847 kásipkerdiń quqyǵyn qorǵap, 5 ákimshilik kedergini jáne 3 027 quqyqtyq aktiniń kúshin joıdy. Monopolııaǵa qarsy organnyń zańsyz tekserý, salyq organy kásipkerlerdiń qyzmetine zańsyz aralasý faktileri anyqtalyp, kináli basshylar ákimshilik jaýapqa tartyldy, dep habarlaıdy Kazinform.
«Shymkent sýshar» MKK qatty turmystyq qaldyqtaryn qabyldaý sharty boıynsha 105 kásipkerge avanstyń 50 paıyzyn tóleýge májbúrleý tájirıbesi toqtatyldy. Qadaǵalaý aktileri boıynsha «Qoǵamdyq baqylaý — túbirtekti talap et» jobasy aıasynda qozǵalǵan salyq organdarynyń 228 ákimshilik isiniń kúshi joıyldy.
Sonymen qatar, mektep ashanalaryn jalǵa alǵan 78 kásipkerden «mektepmenu.kz.» qosymshasyn paıdalanǵany úshin zańsyz aqsha jınaý toqtatyldy.
Aıta keteıik, ınvestorlar men kásipkerler ózekti máseleler týyndaǵan jaǵdaıda osy (+77751112542) telefon nómirine habarlasa alady.
