Shymkenttegi birqatar energetıkalyq nysandarǵa jospardan tys monıtorıng júrgizildi
ShYMKENT. KAZINFORM — QR Energetıka mınıstrliginiń Atomdyq jáne energetıkalyq baqylaý men qadaǵalaý komıtetiniń Shymkent qalasy boıynsha aýmaqtyq departamenti komıtettiń ortalyq apparat ókilimen birlesip, birqatar energetıkalyq nysandarǵa jospardan tys monıtorıng júrgizdi. Bul týraly vedomstvonyń baspasóz qyzmeti málim etti.
Іssapar aıasynda «3-Energoortalyq» AQ-nyń JEO, «Ońtústik Jaryq» JShS aımaqtyq elektr jelileri kompanııasy jáne «Kýatjylýortalyq-3» ShJQ MKK-nyń nysandary qaraldy. Mamandar jabdyqtardyń tehnıkalyq jaı-kúıimen jáne jóndeý jumystarynyń barysymen tanysty.
«3-Energoortalyq» JEO-da bıyl №2 jáne №3 qazandyqtarǵa kúrdeli jóndeý josparlanǵan. №2 qazandyqtyń jóndeýi aıaqtaldy, №3 qazandyqtaǵy jumys jalǵasýda. «Kýatjylýortalyq-3» -tyń ADTs-160 qazandyq tsehynda eki qazandyqqa jóndeý jumystary júrgizilýde. Jóndeý bekitilgen kestege sáıkes júzege asyrylyp jatyr.
Qaıta ótkizilgen konkýrstyq rásimderge baılanysty jylý jelilerindegi aǵymdaǵy jóndeý jumystary tamyzdyń birinshi onkúndiginde bastalmaqshy.
«Ońtústik Jaryq» JShS-de josparly jóndeý jumystary da bekitilgen kestege sáıkes júrgizilip jatyr.
Monıtorıng barysynda jumystardyń merzimi men kólemin saqtaý, aldaǵy 2024–2025 jylǵy jylytý maýsymyna daıyndyq, tehnologııalyq aqaýlardyń aldyn alý, sondaı-aq elektr jáne jylý jelilerin paıdalanýdaǵy táýekelderge erekshe nazar aýdaryldy.
Aıta keteıik, Energetıka mınıstrligi gaz jobalaryn jedeldetýdi kózdep otyr.