Shymkent qalasyndaǵy Ál-Farabı aýdanyna jańa ákim taǵaıyndaldy
ShYMKENT. KAZINFORM – Bul qyzmetke Maratbek Myqtybekov keldi. Buǵan deıin ol Shymkent qalalyq Dene shynyqtyrý jáne sport basqarmasyn basqarǵan.
Maratbek Myqtybekov 1996 jyly Ońtústik Qazaqstan memlekettik ýnıversıtetin «Dene shynyqtyrý» mamandyǵy boıynsha támamdasa, keıinnen «Quqyqtaný» salasy boıynsha bilim alǵan.
Eńbek jolyn bilim berý salasynda bastaǵan ol 2000-2003 jyldary atalǵan oqý ornynda oqytýshylyq qyzmet atqardy. Keıingi jyldary jekemenshik sektorda túrli laýazymdardy atqaryp, kúres túrleri boıynsha olımpıadalyq daıarlaý ortalyǵyn basqardy. Sonymen qatar, boks jáne dzıýdo federatsııalarynda keńesshi, atqarýshy dırektor, bas qazynashy bolyp jumys istedi.
2022 jyldyń sáýir aıynan bastap «Sportty damytý dırektsııasy» mekemesin basqardy. Budan soń Qazaqstan boks federatsııasynyń atqarýshy dırektory laýazymyn atqardy.
Aıta keteıik, budan buryn Qazposhtanyń jańa basshysy taǵaıyndalǵanyn jazǵan bolatynbyz.