Shymkent qalasynda 47 deldal saýda tizbeginen shyǵaryldy
ASTANA. KAZINFORM — Saýda jáne ıntegratsııa mınıstri Arman Shaqqalıev 3 shilde kúni Shymkent qalasyna jumys saparymen kelip, shahardaǵy saýda nysandary men bazarlardy aralady.
Mınıstr aldymen óńirdegi ınvestıtsııalyq jobalarmen tanysty. Arman Shaqqalıev túrik ınvestorlarynyń qatysýymen salynǵan, quny 650 mln AQSh dollaryn quraıtyn jylyjaı kompleksine bardy. Alsera.kz jylyjaı kesheninde jylyna 155 myń tonnadan astam qyzanaqtyń 6 sorty ósiriledi. Kásiporyn ónimderi tek ishki naryqta saýdalanyp qoımaı, Reseı men Qyrǵyzstanǵa eksporttalady. Mınıstr birinshi kezekte kásiporyn ishki naryqtyń suranys qanaǵattandyrý qajet ekenin eske saldy.
Mınıstr barǵan kelesi nysan «Aımar-Qus» taýyq fabrıkasy jylyna 100 mln dana taýyq jumyrtqasyn óndiredi. Fabrıka 25 adamdy jumyspen qamtyp otyr. Jobynyń úshinshi kezeńinde fabrıka 300 mln danadan astam taýyq jumyrtqasyn shyǵarýdy kózdep otyr. Ónim qazirgi tańda Shymkent jáne Astana qalalarynyń iri sýpermarketterinde saýdalanýda. Fabrıka basshylyǵy mınıstrmen ónimdi eksportqa shyǵarý máselesin talqylady. Óndiris qýattylyǵy artqan kezden bastap mınıstrlik tarapynan eksporttyq súıemeldeý jumystary júrgizilmek.
Odan bólek Arman Shaqqalıev qaladaǵy «Alash» jáne «Aına» bazarlaryn aralady. Saýda bazarlardy jańǵyrtý Jol kartasyna sáıkes atalǵan saýda nysandary 2023-2024 jyldary jańǵyrtýdan ótken. «Alash» bazarynda 1800 saýda núktesi jumys istese, «Aına» bazarynda 626 shaǵyn kásipker shoǵyrlanǵan. Mınıstr bazar basshylyǵy jáne jergilikti ýákiletti organmen saýda bazarlarynda ashyq saýda protsessin uıymdastyrýǵ órt qaýipsizdik jáne sanıtarlyq talaptardyń saqtalýyn qatań baqylaýdy tapsyrdy.
— Saýda ashyq ári ádil bolýy kerek. Ásirese halyq birinshi kezekte tutynantyn áleýmettik mańyzy bar azyq-túlik taýarlaryna qoıylatyn saýda ústemesi qatań saqtalýy kerek. Saýda mınıstrligi saýda ústemesine memlekettik baqylaýdy kúsheıtti. Bul halyq satyp alatyn taýarlar baǵasyna aıtarlyqtaı áser etedi. Odan bólek bizdiń vedomstvo saýda tizbegindegi deldardy azaıtý, ónimsiz deldaodardy tizbekten shyǵarý jumysyn júıeli jalǵastyryp keledi. Jyl basynan beri 150 ónimsiz deldal tizbekten shyǵarylsa, Shymkent qalasy boıynsha 47 deldel saýda tizbeginen alyndy, — dedi Arman Shaqqalıev.
Shymkent qalasynyń saýda kórsetkishteri de joǵary. Mınıstrdiń sózinshe, alǵashqy 5 aıda saýda salasyna tartylǵan ınvestıtsııa kólemi 30 mlrd teńgege jýyqtaǵan. Mınıstr jeke ınvestıtsııa esebinen salynǵan, aýmaǵy 5 gektardy alyp jatqan «Dala Mall» oıyn-saýyq ortalyǵynyń jumysymen de tanysty. Bıyl paıdalýǵa berilgen nysanda oıyn-saýyq oryndarynan bólek azyq-túlik sýpermarketteri de ornalasqan.
— Jyl ótken saıyn saýda formaty ózgerip keledi. Onlaın saýda kólemi artsa da, halyq úshin dástúrli saýdanyń orny bólek. Bastysy suranysqa qaraı saýda nysandaryn zamanaýı formatqa saı beıimdeý asa mańyzdy. Tutynýshy úshin arnaıy kólik turaǵy, yńǵaıly ǵımarat pen elektrondy tólem júıesimen qamtylǵan saýda oryndary qashan da suranysqa ıe bop qala beredi. Bizdiń mınıstrliktiń de basym mindetteriniń biri — zamanaý saýda formatynyń úlesin arttyrý, — dep atap ótti mınıstr.
Shymkent — eldegi saýda ulesi boıynsha besinshi orynda. Qalasynda jyl basynan beri óńirlik komıssııanyń 24 otyrysy ótti. Komıssııa otyrystarynyń qorytyndysy boıynsha 164 ónimsiz deldal jáne saýda ústemesiniń shekti mólsherinen asyrý faktisi anyqtaldy. 117 jaǵdaı boıynsha ákimshilik hattama toltyrylyp, 47 ónimsiz deldaldyń qyzmeti toqtatyldy. Ónimsiz deldaldardy anyqtaý boıynsha Shymkent qalasy óńirler arasynda úshinshi orynda tur. Al saýda ústemesin shekti mólderden asyrǵan kásipkerlerge 2 mln teńgeden astam aıyppul salyndy.
