Shymkent qalasy Tótenshe jaǵdaılar departamentiniń bastyǵy taǵaıyndaldy
ShYMKENT. KAZINFORM — QR Tótenshe jaǵdaılar mınıstriniń buıryǵymen polkovnık Tileýberdi Mádıev Shymkent qalasy Tótenshe jaǵdaılar departamentiniń bastyǵy bolyp taǵaıyndaldy.
Osyǵan deıin ol atalǵan departament bastyǵynyń birinshi orynbasary qyzmetin atqarǵan.
Tileýberdi Serikbaıuly 2009 jyly Tótenshe jaǵdaılar mınıstrliginiń Kókshetaý tehnıkalyq ınstıtýtyn, al 2022 jyly Reseı TJM Azamattyq qorǵaý akademııasyn bitirgen.
Azamattyq qorǵaý organdaryndaǵy eńbek jolyn 2005 jyldyń tamyzynda bastaǵan. Ár jyldary qaraýyl bastyǵynan aýmaqtyq bólimshe basshysyna deıingi túrli laýazymdardy atqardy.
Sondaı-aq Shyǵys Qazaqstan oblysy jáne Almaty qalasy Tótenshe jaǵdaılar departamentterinde, Málik Ǵabdýllın atyndaǵy Azamattyq qorǵaý akademııasynda, QR Tótenshe jaǵdaılar mınıstrliginiń ortalyq apparatynda qyzmet etken.
Buǵan deıin Abaı oblysy ákiminiń orynbasary taǵaıyndalǵanyn habarlaǵan edik.
