Shymkent qalasy Sáýlet, qala qurylysy jáne jer qatynastary basqarmasyna basshy taǵaıyndaldy

Shymkent qalasynyń Sáýlet, qala qurylysy jáne jer qatynastary basqarmasynyń basshysy bolyp Nurbol Ábdirahmanuly Júnisbekov taǵaıyndaldy, dep habarlaıdy Kazinform. 

Nurbol Ábdirahmanuly 1985 jyly 15 qyrkúıekte Saıram aýdanynda dúnıege kelgen.

S.Seıfýllın atyndaǵy Qazaq agrarlyq ýnıversıteti jáne Taraz ınnovatsııalyq-gýmanıtarlyq ýnıversıtetiniń túlegi.

Mamandyǵy – jer resýrstaryn basqarý jáne jerdi úılestirý ınjeneri, zańger.

Eńbek jolyn 2009 jyly Shymkent qalasynyń jer kadastry fılıalynda ınjener, jerge ornalastyrýshy bolyp bastady.

2012 jyly «Jer ǴÓO» OQO enshiles memlekettik kásipornynyń sektor bastyǵy, 2014 jyly «Jer kadastry ǵylymı óndiristik ortalyǵy» sharýashylyq júrgizý quqyǵyndaǵy RMK Shymkent qalalyq bólimshesiniń jerge ornalastyrýdy júrgizý sektorynyń ınjener-jerge ornalastyrýshysy, 2015 jyly «Jer kadastry ǴÓO» sharýashylyq júrgizý quqyǵyndaǵy RMK Shymkent qalalyq bólimshesi jerge ornalastyrýdy júrgizý sektorynyń basshysy bolyp eńbek etti.

2016 jyly «Azamattarǵa arnalǵan Úkimet» MKK AQ OQO boıynsha fılıaly «Jer ǴÓO» departamenti Saıram aýdandyq bólimshe basshysynyń orynbasary, odan soń bólim basshysynyń orynbasary boldy. Al 2018 jyly «Azamattarǵa arnalǵan Úkimet» MKK AQ-nyń Jer kadastry jáne jyljymaıtyn múlik boıynsha Túrkistan qalasy bóliminiń basshysy qyzmetin atqardy.

Keıingi jyldary Shymkent qalasynyń Sáýlet, qala qurylysy jáne jer qatynastary basqarmasy basshysynyń orynbasary, basqarma basshysy mindetin ýaqytsha atqarýshy qyzmetin atqarǵan.