Shymkent qalasy dene shynyqtyrý jáne sport basqarmasyna jańa basshy keldi
Shymkent qalasynyń dene shynyqtyrý jáne sport basqarmasyna jańa basshy taǵaıyndaldy, dep habarlaıdy Kazinform.
Týrızm jáne sport mınıstrligi sport jáne dene shynyqtyrý isteri komıtetiniń jáne Memlekettik qyzmet isteri agenttiginiń kelisimi boıynsha, qala ákiminiń ókimimen Shymkent qalalyq dene shynyqtyrý jáne sport basqarmasynyń basshysy laýazymyna Maratbek Sámenbekuly Myqtybekov taǵaıyndaldy.
Maratbek Sámenbekuly 1981 jyly Báıdibek aýdanynda dúnıege kelgen.
Sambodan halyqaralyq dárejedegi sport sheberi, jasóspirimder arasynda álem chempıony, dzıýdodan jastar arasynda álem chempıonatynyń qola júldegeri.
Eńbek jolyn 2004 jyly «GazInServıs» JShS bas menedjeri bolyp bastaǵan.
2005–2023 jyldary jeke sektorda jáne sport salasynda jaýapty basshylyq qyzmetter atqardy.
2022 jyldyń qyrkúıek aıynan bastap búgingi kúnge deıin Qazaqstan boks federatsııasynyń atqarýshy dırektory laýazymynda qyzmet atqardy.
