Shymkent qalasy ákimi apparatynyń basshysy taǵaıyndaldy

ShYMKENT. KAZINFORM – Prezıdent Ákimshiliginiń kelisimimen jáne qala ákiminiń ókimimen Shymkent qalasy ákimi apparatynyń basshysy laýazymyna Berik Áshirbekov taǵaıyndaldy. Bul týraly Shymkent qalasy ákimdiginiń baspasóz qyzmeti habarlady.

Berik Aıdaruly 1986 jylǵy 17 tamyzda Ońtústik Qazaqstan oblysy, Sozaq aýdanynda týylǵan, qazaq, bilimi joǵary.

S.Seıfýllın atyndaǵy Qazaq ulttyq agrarlyq ýnıversıtetin, Qaraǵandy ekonomıkalyq ýnıversıtetin bitirgen, mamandyǵy boıynsha biliktiligi - jer kadastry jáne jyljymaıtyn múlikti baǵalaý jáne quqyqtaný.

Eńbek jolyn 2005 jyly Sozaq aýdandyq jer kadastr bıýrosynyń tehnıgi bolyp bastaǵan. 2006-2023 jyldary Shymkent qalasynyń jer qatynastary bólimi basshysynyń orynbasary, Almaty qalasy Alataý aýdany ákiminiń orynbasary, Shymkent qalasynyń jer qatynastary basqarmasynyń basshysy, Shymkent qalasynyń sáýlet, qala qurylysy jáne jer qatynastary basqarmasynyń basshysy, Shymkent qalasynyń qalalyq orta sapasy jáne baqylaý basqarmasynyń basshysy laýazymdarynda qyzmet atqarǵan.

2023 jyldyń jeltoqsan aıynan bastap búgingi kúnge deıin Shymkent qalasy Turan aýdanynyń ákimi bolyp qyzmet etti.

Aıta keteıik, Qýanysh Daıyrbekov Kólik mınıstrliginiń apparat basshysy bolyp taǵaıyndaldy.