Shymkent qalasy Abaı oblysyna óner mektebin salyp beredi
ShYMKENT. KAZINFORM – Shymkent qalasy Abaı oblysyna óner mektebin salyp bermek.
Bul týraly Shymkent qalasy ákiminiń orynbasary, ákimdik apparatynyń resmı ókili Sársen Quranbek málimdedi.
Onyń aıtýynsha, salynatyn óner mektebiniń jalpy aýmaǵy 4500-5000 sharshy metrdi quraıdy. Jobanyń quny shamamen 2 mıllıard teńge bolady dep josparlanyp otyr.
– Abaı oblysyna óner mektebin salyp beremiz degen mindetteme aldyq. Qazirgi ýaqytta Abaı oblysynyń tıisti basqarmalary jer telimin anyqtaý jáne qaýly shyǵarý jumystaryn júrgizip jatyr. Jer telimi naqtylanǵan sátten bastap qurylys jumystaryna kirisemiz. Bul Abaı eline, jurtyna uıalmaı syılaıtyn ǵımarat bolady, – dedi Sársen Quranbek.
Aıta keteıik, budan buryn Pavlodarda Abaı murasynyń aýdıojınaǵy jaryq kórdgenin jazǵan bolatynbyz.