Shymkent qalalyq juqpaly aýrýlar aýrýhanasynda jóndeý jumystary qarqyndy júrip jatyr
ShYMKENT. KAZINFORM - Shymkent qalasynda densaýlyq saqtaý mekemelerin jańǵyrtý, materıaldyq-tehnıkalyq bazany nyǵaıtý baǵytynda josparly jumystar qolǵa alynǵan.
Shaharda búgingi tańda eki aýrýhanada kúrdeli jóndeý jumystary qarqyndy júrip jatyr.
Qalalyq juqpaly aýrýlar aýrýhanasynda jóndeý jumystary kestege sáıkes atqarylýda. Munda jylý júıeleri, jeldetkishter tolyǵymen aýystyrylyp, esik-terezeleri jańartylýda. Jospar boıynsha jóndeý jumystary jyl sońyna deıin aıaqtalady.
№1 qalalyq klınıkalyq aýrýhanasynyń ǵımaratynda jóndeý jumystary kezeń-kezeńimen oryndalyp keledi. Búginde aýrýhananyń A, B, G jáne sharýashylyq blogynda jóndeý jumystary aıaqtalyp, V blogynda jumystar jalǵasýda.
Sondaı-aq, mamandandyrylǵan bóbekter úıi jáne №2, №13 qalalyq emhanasynda kúrdeli jóndeý jumystary boıynsha jobalaý-smetalyq qujattama ázirlenip jatyr.
Bıýdjettik usynym berildi. Qalalyq densaýlyq saqtaý basqarmasynyń bastamasymen №4, №9, №10, №11 emhanalaryna jańa ǵımarat salý úshin memlekettik-jekemenshik áriptestik aıasynda ınvestıtsııa tartý jumystary júrgizilýde.
